Ludruk Kartolo cs mp3 4shared Download

Basman Jragan Gentong

2011-11-08T21:17:00.000-08:00

Critane : Onok wong telu (Sokran, Sapari, Kawuk) sing ekonomi-ne pas-pasan ketemu ambek Basman ngaku wong ngerti, wong telu maeng kudu slametan ben gak apes, berhubung wong telu maeng gak isok ngurus slametane trus nyetor duit 75 ewu(sa'wong 25 ewu) nang Basman ben digawekno slametan ambek Basman. Teko nang omah Basman sing sik numpang nang omahe ponakane (Kartolo) diseneni ambek Kartolo sa'bojone pisan mergo males nyambut gawe ambek seneng mangan. Lha pas ditinggal Kartolo ambek bojone metu, Basman metu pisan ngentekno duit kanggo foya-foya. Sokran teko marani nggoleki Basman perlune takok slametane, Kartolo nggoleki pisan. Mergo kuatir wedi pamane bunuh diri sebab mari diseneni, Kartolo ambek Sokran sa' koncone pisan nggoleki Basman. Ndilalah Basman tibakno saiki dodolan gentong, yok opo teruse crito? Ringekno dewe yo....

(Pemain: Cak Kartolo, Cak Basman, Cak Sapari, Cak Sokran, Cak Kawuk, Cak Bogel ambek Ning Tini)

Link Download :

Berang Kethul

2011-07-22T02:00:00.000-07:00

Njaluk sepuro dulur suwi gak ngupdate blog iki sebab sibuk hehehe :), saiki ta' update crito "Berang Kethul" critane : side A, biasa gandangan jula-juli teko Cak Sokran, mari ngono guyonan Cak Sokran, Cak Blontang ambek Cak Kartolo. Side B, Basman sing dadi bayan ditabuhi rondo nggrogoh mari ngono teko Sapari ambek Sokran ngomongno masalah kampung. Cak Blontang nduwe bojo TIni adem ayem ketekan Cak Tohari nagih kontrakane omah padahal wis dibayar Cak Blontang rong tahun, tibakno ambek bojone dibayar mek setahun. Trus akhire gegeran, bojone terus minggat. Yok opo teruse crito? Ringekno dewe yo.... (Pemain : Cak Kartolo, Cak Blontang, Cak Sokran, Cak Basman, Cak Sapari ambek Ning Tini).

Link Download :

Berang Kethul side A : HQ Download
Berang Kethul side B : HQ Download

Kebo Kumpul Kancane

2010-07-07T00:10:00.000-07:00

Critane : Side A, Kartolo, Munawar ambek Sapari guyonan nang dalan, Sapari pura2 dadi wong Solo. Mari ngono wong telu arep nggoleki Cak Markeso. Side B, Cak Tohari ambek konco2 tukang becak nanggap Cak Markeso nggandang garingan, mari nggandang Cak Markeso diajak ambek Tini nang omahe, perlune ben Cak Markeso dike'i kerjo ambek bapake Tini (Munawar), jare Tini bapakke iku kerjo dinas malam. Yok opo teruse crito? Ringekno dewe yo... (Pemain : Cak Kartolo, Cak Sapari, Cak Munawar, Cak Tohari, Cak Markeso ambek Ning Tini)

Link Download :

Kebo Kumpul Kancane side A : Download
Kebo Kumpul Kancane side B : Download

Ratu Amen

2010-06-07T18:27:00.000-07:00

Critane : Side A, Kartolo, Sapari ambek Munawar latihan Ketoprak-an tapi yo ngono dasare wong telu gak isok malah gak karu-karuan latihane :) , Side B, Cak Markeso ketamon Sapari ngamen nggowo tip terus Sapari ngremo ambek ngidung pisan. Mari ngono Kartolo ngamen pisan ketoprakan, Kartolo dadi Ratu, Markeso dikongkon Kartolo dadi patih. Mari ngono Munawar macak banci ngamen nyanyi ambek nggowo ecek-ecek. Yok opo teruse crito, ringekno dewe yo... (Pemain: Cak Kartolo, Cak Sapari, Cak Munawar, Cak Markeso ambek Ning Kastini)

Link Download :

Ratu Amen side A : HQ
Ratu Amen side B : HQ

Supali Juragan Tahu (Live Show - selingan cak! )

2010-05-26T21:18:00.000-07:00

Ben ono variasi liyo, iki ta' tampilno dagelan Cak Supali dkk Judule " Supali Juragan Tahu " njupuk teko You Tube.

Link Download (length video format avi, diunrar disik yo) :

Rujak Kikil

2010-05-09T22:09:00.000-07:00

Iki rekaman Cak Kartolo nggawe label SHGB record iringan musik Campursari, critane : Cak Kartolo saiki dadi juragan "Rujak Kikil" wis terkenal, mari ngono Sapari nglamar dadi pegawaine Kartolo didadekno tukang nagihe Kartolo. Trus Sapari marani Slamet sing mbuka cabang Rujak Kikil cabange nggone Kartolo, mari omong2 Slamet semoyo kurangane dibayar minggu ngarep. Pamane Kartolo (Cak Kancil) sa'bendino gegeran ambek bojone (Ning Lasiana), bareng digawakno Rujak Kikil ambek Kartolo, terus bibi'e mangan, Mari mangan Rujak Kikil maeng bibi'e gairahe muncul terus nyeluk pamane padahal mari diseneni. Pingin weruh teruse crito ? Ringekno dewe yo... (Pemain : Cak Kartolo, Cak Sapari, Cak Slamet, Cak Kunadi, Cak Kancil Sutikno, Ning Kastini ambek Ning Lasiana)

Link Download :

Rujak Kikil side A : HQ
Rujak Kikil side B : HQ

Marlena Juragan Jambu

2010-05-05T01:17:00.000-07:00

Critane : Marlena bekas gendakane Kartolo saiki dodol woh-wohon koyok jambu, pencit ambek woh-wohan liyane. Lha Basman pamane Kartolo berhubung Marlena gak dadi ambek Kartolo, Basman kudu seneng ambek Marlena, sampek usaha ngongkon Sapari njombalangi, akhire Marlena gelem asal Basman setia mbantu dodolan. Nang dalan Marlena ketemu ambek Kartolo maneh terus omong2an, ujug-ujug bojone Kartolo (Tini) teko terus muring-muring. Pingin eruh teruse crito? Ringekno dewe yo.... (Pemain: Cak Kartolo, Cak Basman, Cak Sapari, Cak Slamet, Ning Kastini ambek Ning Marlena)

Link Download :

Marlena Juragan Bambu side A : HQ
Marlena Juragan Bambu side B : HQ

Trenggiling Sisik Emas

2010-04-27T17:43:00.001-07:00

Critane : Kartolo dadi patih dikongkon ambek Ratu Slamet nggoleki Trenggiling Sisik Emas perlune nggawe tombo rakyate sing kenek begebluk (wabah Penyakit), akhire Kartolo budal nggoleki Trenggiling Sisik Emas nang alas Gunung Sremet dikancani ambek Endro buruhe Kartolo. Tibakno pas nggoleki nang alas pirang-pirang dino gak ketemu Trenggilinge maeng, mari ngono onok wong tuwek ngandani nek Trenggiling sisik emas iku gak onok, terus Kartolo dike'i trenggiling biasa dikongkon usaha (ngecet) ben ketok emas. Tibakno Ratu Slamet onok maksude ngongkon Patih Kartolo nggoleki Trenggiling Sisik Emas, Ratu Slamet seneng ambek bojone Patih Kartolo. Pingin eruh crito teruse? Ringekno dewe yo.....

Link Download :

Trenggiling Sisik Emas side A : HQ
Trenggiling Sisik Emas side B : HQ

Cak Kartolo dadi Presenter (Selingan)

2010-04-23T01:46:00.000-07:00

Teko Youtube maneh, pernah ndelok Cak Kartolo dadi presenter iki lho rek pideo-ne :

Download video (format avi) : Dadi Presenter

Kemanten Kisinan (Live Show)

2010-04-20T03:00:00.000-07:00

Iki njupuk video teko Youtube judule "Kemanten Kisinan" critane mirip ambek "Manten Puret" versi kasete, Sugeng Mirsani :)(Pemain : Cak Kartolo, Cak Sapari, Cak Bowo, Cak Slamet ambek Ning Kastini)

Link Download Video (Length Video format mp4):

Video Kemanten Kisinan Download

Versi Audio-ne :

Link Download mp3 :

Audio Kemanten Kisinan Download

Basman Mantu

2010-04-13T20:36:00.000-07:00

Critane : Kartolo njodokno anake Blontang ambek Njoto, Blontang yo dike'i duwik pisan, tapi Njoto gak ngerti anake, jare Kartolo arek'e ayu, akhire Njoto gelem. Mari ngono anake Blontang (Tini) teko terus Blontang ngomong nek Tini wis dilamar wong. Njoto sing senengane kluyuran jarang mulih, akhire mulih ketemu ambek pegawai tokone bapake (Basman) sing jenenge Erna, ndelok arek'e ayu akhire Njoto seneng, trus Njoto nang Kartolo kongkon murungno lamarane nang anake Blontang, bareng Blontang krungu maeng, Blontang ngamuk trus nglabrak nang omahe Njoto. Yok opo teruse crito? Ringekno dewe yo.... (Pemain : Cak Kartolo, Cak Basman, Cak Blontang, Cak Sapari, Cak Njoto, Cak Sokran ambek Ning Kastini)

Link Download :

Basman Mantu side A : HQ
Basman Mantu side B : HQ

Ajisoko

2010-04-07T00:33:00.000-07:00

Critane : Sekali-kali rodo serius titik, Iki critane asal-usule aksara(huruf) jawa (ha na ca ra ka) Ajisoko nglawan ratu Dewata Cengkar sing senengane mangan daginge menungso, berhubung gak onok maneh sing gelem dipangan, Ajisoko ngrelakno awak'e dadi panganane Prabu Dewata Cengkar ambek njaluk tanah sa' ambane kain (sorban) sing digawe udeng, Dewata Cengkar setuju, tapi bareng kain maeng digelar ombone kain maeng sampek ndesek Prabu Dewata Cengkar nang laut kidul, sampek dadi boyo putih, Sampek2 prabu Dewata Cengkar nyumpahi/nyabdo nek Ajisoko bakal kewirangan mergo nduwe anak nogo. Pingin eruh crito teruse? Ringekno dewe yo...

Link Download :

Ajisoko side A : HQ
Ajisoko side B : HQ

Basman Pooseeng

2010-04-01T01:52:00.000-07:00

Critane : iki terusane crito " Marlena Bludreg ", Kartolo ngusahakno ndamekno pamane(Basman) ambek bibi'e (Marlena) ben isok mbalik koyok disik, akhire wong loro maeng (Basman & Marlena) gelem akur maneh. Mari ngono Sapari teko nawari bisnis, Sapari nawari nang Marlena dodol wit poh borongan jumlahe 10 wit, akhire Marlena ambek Basman setuju, Kartolo mborong mikule.
Wong papat maeng budal langsung nang nggone wit poh , Ndelok pohe gemlantong Marlena langsung duwike pisan 250 ewu. Basman sing menek wit, ngunduhi poh maeng. Tibakno wit poh maeng nggone Sokran. Sokran ngamuk terus nyawati Basman. Yok opo teruse crito? Ringekno dewe yo.... (Pemain: Cak Kartolo, Cak Sapari, Cak Basman, Cak Sokran, Cak Amin Tohari, Ning Kastini ambek Ning Marlena).

Link Download :

Basman Pooseeng side A : HQ
Basman Pooseeng side B : HQ

Marlena Bludreg

2010-03-29T03:41:00.001-07:00

Critane : Marlena saiki wis rabi ambek Basman, tapi Basmane cemburu mergo Kartolo (ponakane) gandang mbareng ambek Marlena. Mari ngono Basman muring-muring ambek Marlena, sampek akhire Marlena purik, terus minggat. Ndelok sing wedok ngono Basman yo gak muleh pisan. side B : Sokran bojone Tini nduwe kos-kosan sak kamar, terus ketekan dayoh Kartolo ambek Sapari, lha ngomong nek omahe sing sak kamar arep dikos-no, nek Sapari utowo Kartolo oleh wong sing ngontrak/kos dike'i komisi ambek Sokran. Gak suwi sa'wise Kartolo ambek Sapari pamit, Marlena teko nggolek kontrakan sing nrimo ning Tini, gak kesuwen ambek Tini ditrimo, sediluk maneh Sapari nemoni Sokran bojone Tini nggowo Basman sing arep ngontrak. Yok opo teruse crito? Ringekno dewe yo.. (Pemain: Cak Kartolo, Cak Sapari, Cak Sokran, Cak Basman, Ning Kastini ambek Ning Marlena)

Link Download :

Marlena Bludreg side A : HQ
Marlena Bludreg side B : HQ

Nenek Sihir

2010-03-15T20:24:00.000-07:00

Critane : Kartolo dadi Ratu sing dijuluki Prabu Kartolo Joyo Mleki nduwe patih Sapari, sawijining dino ketamon wong tuwo ngelak arep njaluk ngombe, tapi dasar Prabu Kartolo medit alias mleki, wong tuwo wedok ameng gak dike'i ngombe malah ngusir wong tuwo maeng. Ambek wong tuwo wedok maeng mergo mangkel akhire nyabdo Prabu Kartolo sing asline ganteng dadi elek, lha Sapari kene pisan. Mergo getun akhire Prabu Kartolo sadar terus nggowo bondone arep dikekno nang wong gak nduwe alias fakir miskin. Pas lelaku Prabu Kartolo ketemu ambek Tini sing diuber-uber ambek Rojo Slamet sing arep ngrabi mergo bapake Tini nduwe utang nang Rojo Slamet. Yok opo teruse crito? Ringekno dewe yo....

Link Download :

Nenek Sihir side A : HQ
Nenek Sihir side B : HQ

Sinden Bledek

2010-02-09T19:28:00.001-08:00

Critane : Wong telu : Kartolo, Sapari ambek Maryam pingin latihan nembang (nyinden) ambek onok drama-e pisan, Munawar yo pamit nang bojone arep onok obyek (Munawar gak ngomong nek arep latihan nang omahe Maryam), mergo curiga Ning Tini (bojone Munawar) ngetutno. Munawar ketemu Kartolo nang ndalan terus bareng budal latihan nang omahe Maryam, mari latihan nembang Munawar ambek Maryam latihan drama percintaan. Ujug-ujug Ning Tini teko terus ngamuk bojone. Yok opo teruse crito? Ringekno dewe yo... (Pemain: Cak Kartolo, Cak Sapari, Cak Munawar, Ning Kastini ambek Ning Maryam)

Link Download :

Sinden Bledek side A : HQ
Sinden Bledek side B : HQ

Ketemu Jodoh

2010-02-08T18:16:00.000-08:00

Critane : Kartolo ketemu Marlena nang dalan, mari ngono kidung-kidungan (gending Kicir-kicir) wong loro. Berhubung Kartolo seneng ambek Marlena, Kartolo ngajak Marlena nang omahe pamane Kartolo (Basman). Nang kono wong telu kidung-kidungan (Tul Jaenak). Pingin weruh teruse crito? Ringekno dewe yo... (Pemain : Cak Kartolo, Cak Basman ambek Ning Marlena)

Link Download :

Ketemu Jodoh side A : HQ
Ketemu Jodoh side B : HQ

Radio Mata Sapi (Sidik Cs)

2010-02-08T17:41:00.000-08:00

Sekali-kali ngrungokno dagelan Ludruk Cak Sidik Cs ben nambah nuansa lain :). Critane : Solikin tuku radio nang Cak Sidik, Sidik ngomong njupuke radio nang omahe Dadang. Mari ngono Sidik nang omahe Dadang trus berhubung radione rusak Sidik nggawe pokal gawe kanggo ngakali Solikin, Sidik mlebu ngisore mejo, radione nang dukur mejo. Bareng Solikin teko, Dadang ngomong nek radione titipane Sidik jenenge "Radio Mata Sapi" tapi nek nguripnone ditutuk disik. Yok opo teruse crito? Ringekno dewe yo... (Pemain : Cak Sidik, Cak Solikin, Cak Dadang ambek Ning Surya Dewi)

Link Download :

Radio Mata Sapi (Sidik cs) side A : HQ
Radio Mata Sapi (Sidik cs) side B : HQ

Balung Badak

2010-02-04T23:38:00.000-08:00

Critane : side A, onok Cak Blontang ambek Kartolo guyonan onok Tini (saiki dadi anake Blontang) pisan nang kono. Side B : Sokran ambek Sapari dadi tukange Basman sing pas mbangun omahe dikongkong nggolek kayu nggawe "balungane" omah. Akhire wong loro maeng (Sapari ambek Sokran) metu nggolek "balungan" nang tengah dalan ketemu ambek Blontang, terus Sokran pesen Blontang kongkon nggolekno Blontang "balungan" dikirim nang omahe Basman, ambek dike'i porsekot pisan 150 ewu. Pas wayahe kirim balungan kisruh, Blontang ngggak ngirim kayu tapi ngirim "balung Badak". Yok opo teruse crito? Ringekno dewe yo... ( Pemain: Cak Kartolo, Cak Sapari, Cak Basman, Cak Sokran, Cak Blontang, Ning Kastini ambek Ning Lasiana)

Link Download :

Jaran Mayang Seto

2010-02-03T19:00:00.000-08:00

Sekali-kali crito sing serius, crito iki diilhami teko perjuangane rakyat Indonesia nglawan Londo penjajah sing onok nang tanah Jowo (daerah Pasuruan-Probolinggo). Cak Kartolo kedapuk dadi Bambang Sutejo sing numpaki Jaran putih sing arane "Jaran Mayang Seto" ngobrak-abrik pabrik tebu-ne wong Londo. Wong-wong sing melok bolo Londo mangkel sampek nglaporno kelakoane Bambang Sutejo maeng nang nggone tangsi Londo. Bambang Sutejo pas nang ndalan ketemu karo Santi anake Lurah Wongso (Lurah sing gak gelem nyambut gawe ambek Londo), Lha Santi iki konco sa' perguron ambek Bambang Sutejo sekaligus yo dadi pacare pisan.

Wadeng pimpinane wong sing nyambut gawe ambek Londo marani Lurah Wongso perlune arep nglamar anake Lurah Wongso, ambek de'e ngongkon Lurah Wongso leren dadi Lurah deso Kraton, ambek ngongkon penduduke nandur tebu telung prapat teko tanahe, tapi Lurah Wongso gak gelem. Mari ngono onok kongkonan Londo sing jenenge Nurbidin, mari ngono nyeret Lurah Wongso digowo nang Tangsi. Mari ngono Santi anake Lurah Wongso mlayu ketemu ambek Bambang Sutejo, trus ngomong nek Bapake diseret ambek Londo. Pingin weruh teruse crito? Ringekno dewe yo... (Pemain : Cak Kartolo, Cak Sapari, Cak Munawar, Cak Basman, Cak Bowo, Ning Kastini ambek konco-konco liyane)

Link Download :

Jaran Mayang Seto side A : HQ
Jaran Mayang Seto side B : HQ

Misteri Gunung Merapi (Live Show)

2010-02-02T17:06:00.000-08:00

Sekali-kali nampilno videone "Live Show" cak Kartolo teko Youtube ben gak bosen :), Pemaine sing lawas mek wong papat : Cak Kartolo, Cak Sapari, Cak Slamet ambek NIng Kastini sing liyo tambahan. Onok 6 bagian, sing ta' tampilno bagian siji sa' liyane isok sampeyan delok nang Youtube, tapi ta' sediakno link download lengkap sing dowo ambek sing endek, plus sa' mp3-ne pisan.

Link Download video (Short Video - mp4) :

Misteri Gunung Merapi : bag 1
Misteri Gunung Merapi : bag 2
Misteri Gunung Merapi : bag 3
Misteri Gunung Merapi : bag 4
Misteri Gunung Merapi : bag 5
Misteri Gunung Merapi : bag 6

Link Download Full Video (Length Video - avi) :

Misteri Gunung Merapi : Full Video

Versi mp3-ne :

Link Download mp3-ne :

Misteri Gunung Merapi (Live Show) mp3 : Download

Kartolo Dadi Ratu

2010-02-01T23:31:00.000-08:00

Critane : Kartolo ambek Basman cacake nggoleki adike Slamet, ndadakno ketemu nang kraton liyo Slamet arep rabi putri jenenge Kastini. Kartolo ambek Basman pingin ngajak mulih Slamet, tapi Slamet gak gelem mulih malah tukaran ambek cacake. Bareng tukaran wong loro Kartolo ambek Basman kalah keplayon, Kartolo saking sumpeke topo nang alas, terus onok wangsit supoyo Kartolo ngrebut kekuasaan nang kraton Rojo Molo sing dadi raja yoiku Sapari. Akhire Kartolo nang kraton maeng terus ngrebut kekuasaane prabu Sapari, mari dikalahno Kartolo ngongkon Sapari ngrebut Kastini pacare Slamet supoyo dadi bojone Kartolo. Yok opo teruse crito? Ringekno dewe yo...

Link Download :

Kartolo Dadi Ratu side A : HQ
Kartolo Dadi Ratu side B : HQ

Basman Nyeleweng

2010-01-28T23:25:00.000-08:00

Critane : Kartolo dadi anake Basman sing sugih, karo koncone Sapari ambek Sokran omong-omongan. Pas nang ndalan ketemu ambek Tini anake Bu Mety. Kartolo seneng ambek Tini, ambek Tini kongkon nglamar nang omahe langsung. Tibakno bapake Tini yo bapake Kartolo (Basman). Pas wayahe nglamar Kartolo gak ambek bapake mek ambek ibuke karo konco-koncone. Yok opo crito teruse? Ringekno dewe yo.... (Pemain: Cak Basman, Cak Kartolo, Cak Sokran, Cak Sapari, Cak Rpy Markun, Ning Mety, Ning Isye ambek Ning Tini)

Link Download :

Basman Nyeleweng side A : HQ
Basman Nyeleweng side B : HQ

Branjang Kabel

2010-01-24T17:52:00.000-08:00

Critane : Side A, Wong telu (Kartolo, Sapari, Munawar) latihan ludruk judule "Branjang Kawat" tapi ambek Sapari digenti "Branjang Kabel". Side B, Munawar ambek bojone bingung arep mbangun omah butuh arep tuku boto. Mari ngono Munawar budal metu arep tuku boto ketemu Kartolo nang dalan. Kartolo ngomong nek pamane Kartolo (Amin Tohari) nduwe galangan, Munawar terus nitipno duwik 20 ewu gawe pesen boto. Mari ngono Kartolo budal nang pamane, trus ngomong nek Munawar pesen boto. Trus Kartolo ngomong nek pamane diundang Pak Wongso kenduren, mari pamane metu, Munawar teko. Trus Kartolo ngomong nek pamane Kartolo cemburu nang Munawar mergo nggudo bojone pamane, Munawar arep diasap ambek Boto, mergo wedi Munawar keplayon. Yok opo teruse crito? Ringekno dewe yo ....

Link Download :

Branjang Kabel side A : HQ
Branjang Kabel side B : HQ

Dukun Seret

2010-01-11T21:43:00.000-08:00

Critane : Kartolo ambek Tini pacaran, tapi bapake Kartolo sing jenenge Basman gak seneng karo Tini mergo Tini iku anake Sokran (Sokran iki mungsuhe Basman). Mergo Kartolo pingin terus ambek Tini akhire Kartolo nggawe pokal gawe supoyo Bapake ambek Bapake Tini isok rukun.
Pas mulih tibakno Tini gendeng, ditakok'i dijawab ambek hi, hi (ngguyu ae). Mergo bingung Sokran nggolek dukun supoyo anake waras. Pas nang ndalan Sokran ketemu Sapari ngomong nek Basman iku dukun sing isok marasno lorone Tini. Jare Sapari umpomo gak gelem nambani kongkon ngaploki. Akhire Sokran ketemu Basman, langsung Basman diseret ambek Sokran nang omahe, Pingin weruh teruse crito? Opo Tini isok waras? Ringekno dewe yo... (Pemain: Cak Kartolo, Cak Munawar, Cak Basman, Cak Sokran, Cak Sapari, cak Subur ambek Ning Kastini)

Link Download :

Dukun Seret side A : HQ
Dukun Seret side B : HQ

Kucing Gering

2009-12-29T21:03:00.000-08:00

Critane : Sapari bojone Tini bingung masalah kebutuhan urip, duwik gak cukup mergo kebutuhan akeh, akhire pamit metu nggolek obyekan (penggawean). Pas nang ndalan ketemu karo Kartolo, Sapari ngomong nek de'e butuh duwik. Kartolo ngomong enak'e ngene mlaku-mlaku terus nemu duwik satus sewu, duwik 50 ewu ambek Sapari dikulakno iwak asin, lha Kartolo dikulakno Kucing. Mari ngomong-ngomong Sapari muring-muring mergo kucinge Kartolo nyolong, mangani iwak asine Sapari. Akhire wong loro maeng tukaran terus nglaporno masalah maeng nang Lurah. Yok opo teruse crito? Ringekno dewe yo... (Pemain: Cak Kartolo, Cak Sapari, Cak Munawar, Ning Kastini, Ning Maryam/Karjo AC-DC)

Link Download :

Kucing Gering side A : HQ
Kucing Gering side B : HQ

Rebut Balung

2009-12-28T23:07:00.001-08:00

Critane : Sokran ngesir ambek Tini, Sapari ambek Kartolo pingin mbantu nglancarno. Kartolo ngomong nek Tini seneng ambek wong jagoan, Sokran akhire ngantemi Sapari alasane Sapari gak gelem nyaur utang pas onok Tini, Tini misah ambek ngamuk Sokran. Trus Kartolo ngomong nang Sokran nek maeng salah, sing bener Tini seneng wong sing melas, akhire gantian Sokran sing diantem Sapari alasane utange wis disaur tapi tetep ngamuk, akhire Tini malah ngapokno Sokran, Sokran ditinggal dewe.
Side B, Pak Sontolowo (bapake Tini) nang omahe Basman perlu nyilih duwik kanggo keperluan sekolahe anake Tini, akhire Basman nyilihi duwik. Kartolo ambek Sapari ketemu Sokran ngomong nek Pak Sontolowo nduwe utang nang Basman, trus ngongkon Sokran nagih nang Pak Sontolowo ngomong nek Sokran iku dadi kongkonane Basman. Yok opo teruse crito? Ringekno dewe yo....

Link Download :

Rebut Balung side A : HQ
Rebut Balung side B : HQ

Ratune Iwak

2009-12-27T23:37:00.000-08:00

Critane : Kancil penggaweane nggolek iwak alias mancing koncoan ambek Kartolo karo Sokran. Kancil nduwe dulur Sokran (Banyu Urip) sing sugih tapi medit ambek Kancil, bojone Sokran (Tini) nyambut gawe dodolan iwak. Sokran njaluk sepeda motor ambek bojone (Tini) tapi bojone semoyo disik. Mari ngono Kartolo ketemu Sokran arep usaha, ujug-ujug Kancil teko ngomong nang omah onok mangan-mangan iwak ketepakan cacake Kancil (Sokran A) yo onok pisan. Akhire wong telu maeng budal nang omahe Kancil, pas enak-enakan mangan, dulur ipene (Tini) teko ambek muring-muring. Yok opo teruse crito? Ringekno dewe yo..... (Pemain : Cak Kartolo, Cak Sokran A, Cak Kancil, Cak Sokran B, Ning Kastini)

Link Download :

Ratune Iwak side A : HQ
Ratune Iwak side B : HQ

Kartolo Cipeng

2009-12-27T19:52:00.000-08:00

Critane : Kartolo sir-siran(gendakan) ambek Tini, lha Tini nduwe adik jenenge Cipeng sing senengane ngidung. Munawar sing "nyopir" Cikar ambek Sapari sing nyopir trek saingan mergo ngesir ambek Tini, sampek-sampek wong loro maeng entek2an ngeke'i barange kabeh nang Tini sampek garek kaus kutang thok. Mari ngono Kartolo mrono nang omahe Tini, Sapari ambek Munawar kisinan. Yok opo teruse crito? Ringekno dewe yo... (Pemain : Cak Kartolo, Cak Sapari, Cak Munawar, cak Amin Tohari, Ning Kastini, Cipeng)

Link Download :

Kartolo Cipeng side A : HQ
Kartolo Cipeng side B : HQ

Gerbong Areng

2009-12-22T17:48:00.001-08:00

Critane : Kartolo pacaran ambek Marlena runtang-runtung, terus kepingin ngresmekno hubungan, marani nang pamane Kartolo (Basman) perlune njaluk restune. Lha Subur pamane Marlena nggoleki Marlena arep dirabekno ambek Sokran soale Sokran iku gelek ngekeki duwik. Pas Kartolo teko nang pamane Basman terus ngomong nek dino Sabtu arep rabi ambek Marlena, mari ngono Basman pamit arep potong rambut,
Lha ketepakan sing dadi tukang potong rambut iku pamane Marlena (Subur) terus Basman ngomong nek arep nduwe mantu jenenge Marlena arep dirabekno Kartolo, Pak Subur Kaget. Yok opo teruse crito? Ringekno dewe ... (Pemain : Cak Kartolo, Cak Basman, Cak Sokran, Cak Subur, Ning Marlena)

Link Download :

Gerbong Areng side A : HQ
Gerbong Areng side B : HQ

Kartolo Pemburu Cipret

2009-12-20T20:08:00.000-08:00

Critane : Kartolo anake Pak Sontolowo senengane mbedil (nembak manuk/berburu), Pak Sontolowo nggoleki Kartolo perlune arep dirabekno, tapi Kartolo gak gelem mergo durung nyambut gawe. Akhire wong loro (Kartolo ambek Sapari ) budal nggolek manuk.
side B, Bu Anik sing rondo diparani karo Basman sing nduwe roso seneng karo Bu Anik ngrayu Bu Anik supoyo gelem dirabi tapi Bu Anik gak gelem.
Kartolo ambek Sapari berburu nang alas ketemu karo Tini sing omahe cedek alas. Kartolo ambek Sapari takon endi nggone manuk sing akeh, ambek Tini diduduno. Mari berburu manuk, Kartolo ambek Sapari ketemu Basman sing jarene manuke dibedil, tapi untunge gak kenek. Mari ngono ketemu Bu Anik, Kartolo ambek Sapari njaluk diduduno nggone manuk sing akeh njaluk diterno pisan.
Mari berburu Kartolo mulih nemoni bapake Sontolowo, Kartolo terus adus. Pas Kartolo adus, Tini marani Kartolo nuntut njaluk dirabi. Mari ngono Bu Anik yo teko nuntut njaluk dirabi Kartolo pisan. Yok opo teruse crito? Ringekno dewe yo ...

Link Download :

Kartolo Pemburu Cipret side A : HQ
Kartolo Pemburu Cipret side B : HQ

Besut '81

2009-12-15T23:09:00.000-08:00

Critane : Wong telu Kartolo, Sapari ambek Munawar pingin nglestarekno budaya Jawa Timur Ludruk. Akhire wong telu ambek konco-konco latihan ludruk nang omahe Munawar, akhire latihan ludruk Besut. Kartolo dadi Besut, Sumo Gambar sing dadi Sapari, Munawar dadi Paman Gondo, Sriatun dadi Rosmini ponakane Man Gondo. Yok opo teruse crito? Ringekno dewe yo....

Link Download :

Besut '81 side A : HQ
Besut '81 side B : HQ

Macan Ompong

2009-12-15T19:01:00.000-08:00

Critane : Sontolowo sing nggak duwe untu (ompong) nduwe bojo ambek anak tapi senengane kluyuran, gak blonjoni bojone malah njaluki duwik bojone. Pas Sontolowo muleh bojone gregeten muring-muring ambek Sontolowo, akhire bojone Sontolowo nyengkreh mbalik nang ndesone.
nang side B, Basman sing dadi Lurah omong-omongan ambek bayan Sokran, ngomongno tikus-tikus sing nyerang sawah, durung mari omong-omongan, bojone Sontolowo ambek anake (Tini) medayoh lapor nek de'e mbalik maneh nang ndeso iku.
Sontolowo nang omah ketamon Sapari (ponakane Sontolowo) sing diterno Kartolo, Sapari takok nang endi bibike (bojone Sontolowo), dijawab ambek Sontolowo wis mati. Trus Sapari ngomong nek de'e pingin dilamarno arek wedok sing jenenge Hastutik.
Bareng Sontolowo ambek Sapari nang omahe Hastutik, ndilalah ketemu karo bojone Sontolowo. Yok opo crito teruse? Ringekno dewe yo....

Link Download :

Macan Ompong side A : HQ
Macan Ompong side B : HQ

Kaul Ngedukno Lemah

2009-12-14T00:12:00.000-08:00

Critane : Kartolo marani nang Basman sing dadi jragan materialan, ngomong nek Blontang (dulur adohe Basman) nduwe gawe "Ngedukno lemah", Kartolo ngomong nang Basman nek Blontang butuh duwik 100 ewu, sedino rong dino dibalekno 120 ewu. Basman setuju, ngeke'i duwik 100 ewu maeng, ambek surat perjanjian sing ditandatangani Kartolo. Mari oleh duwik Kartolo pamit, nang tengah dalan Kartolo ketemu konco-konco liyane (Sokran, Sapari, Njoto) ngomong nek Blontang nduwe gawe ngedukno lemah ambek butuh bantuan arek-arek.

Akhire wong telu maeng marani nang omahe Blontang, Basman pisan yo mrono. Bareng nang kono gak onok opo2, gak onok tanda-tandae wong nduwe gawe. Yok opo teruse crito, Ringekne dewe yo.....

Link Download :

Kaul Ngedukno Lemah A : HQ
Kaul Ngedukno Lemah B : HQ

Peking Wasiat

2009-12-13T23:32:00.000-08:00

Iki rekaman pertama teko Kasete Cak Kartolo CS. Judule "Peking Wasiat", Peking nang kene dudu jenise manuk, tapi arane gamelan jowo.

Critane : Kartolo, Sapari ambek Yakin ngerjai Munawar sing biasane tukaran ambek bojone, supoyo tuku gamelan "Peking" sing nduwe kesakten isok nggarai wong sing ngrungokno "Peking" maeng isok sakno ngeke'i sembarang kalir. Tapi bareng dituku Munawar 100 ewu, trus mulih bojone ngamuk, "Peking" maeng ditabuh tapi bojone pancet ngamuk, gak onok kasiyate blas. Yok opo terusane crito? Ringekno dewe yo...

Link Download :

Peking Wasiat side A : HQ
Peking Wasiat side B : HQ

Warung Kintel

2009-12-13T19:43:00.001-08:00

Critane : Blontang nduwe warung sing dijuluki warung kintel mergo Blontang wajahe mirip, tapi saiki wis tutup dadi Blontang gak dodol maneh. Kartolo ambek Sapari nggudoi Blontang terus.

side B : Basman karo bojone omong-omongan ngenai sawahe sing panen, mari ngono Blontang sing sek dulur karo Basman nyilih sepeda pancal kanggo ngeterno anake. Sakjane Basman yo males nyilihno sepda maeng, berhubung sek dulur akhire sepeda maeng disilihno Blontang. nang tengah ndalan Blontang ketemu Kartolo ambek Sokran, lha sepeda maeng ambek Blontang didol nang Sokran 30 ewu. Yok opo teruse crito? Opo Basman ngamuk? Ringekno dewe yo.... (Pemain : Cak Kartolo, Cak Blontang, Cak Sapari, Cak Sokran, Cak Basman, Ning Kastini)

Link Download :

Warung Kintel side A : HQ
Warung Kintel side B : HQ

Patih Kabur Kanginan

2009-12-08T20:17:00.000-08:00

Critane : Sidik nduwe koleksi keris sing biasane disilihi wong, tapi bojone Sidik (Ning Tini) gak seneng blas, mari ngono Sapari medayoh nyilih kerise Sidik maeng. Mari nyilih keris maeng, Sapari ambek Sokran marani Basman, arep ngedol keris maeng sing dijenengi keris "Koro Welang" luk songo (9). Keris maeng didol nang Basman 200 ewu, tapi Basman gak gelem malah ngenyek. Berhubung Basman gak gelem tuku, wong loro maeng pamit.
Mari ngono teko Patih teko negeri Atas Angin (Kartolo) ngomong nang Basman nek Patih maeng nggoleh Keris "Koro Welang" luk 9, piro ae regane dituku masiho regane jutaan dituku. Akhire Basman nyanggupi nggoleki keris maeng dike'i uang muka 10 ewu. Kepingin eruh crito teruse? Opo Basman kebujuk? Ringekno dewe yo .... (Pemain : Cak Kartolo, Cak Sokran, Cak Sapari, Cak Basman, Cak Sidik, Ning Kastini)

Link Download :

Patih Kabur Kanginan side A : HQ
Patih Kabur Kanginan side B : HQ

Kumpeni Gulung Tikar

2009-12-06T23:47:00.000-08:00

Critane : Pas jaman penjajahan kumpeni londo, Ratu-Ratu nang tanah jowo kabeh diajak kerjasama ambek kumpeni londo. Lha Kartolo dadi pejuang sing tugase nglawan penjajahan londo lan sa' anteke. Lha Basman dadi Rojo alias Ratu, Sapari dadi patihe Basman, Ratu Basman iki melok dadi bolone kumpeni maeng.
Kartolo (Bambang Kartolo Sarpo) mudun teko pedepokan "Mrutu Sewu" kanggo merangi kumpeni londo ketemu Kastini sing nggolek kayu nang alas. Terus Kartolo pamit nang kutho nggolek'i Ratu-Ratu sing nyambut gawe karo Kumpeni supoyo ojok melok Kumpeni Londo. Nang Kutho Kartolo mampir nang pamane sing dadi Ratu, tibakno Basman iku pamane Kartolo. Kepingin weruh teruse crito? Ringekno dewe yo...

Download Link :

Kumpeni Gulung Tikar side A : HQ
Kumpeni Gulung Tikar side B : HQ

Bandul Gurem

2009-11-29T22:05:00.000-08:00

Critane : side A onok bade'-bade'an Kartolo Munawar ambek Kartolo boso Jowo ambek boso Indonesia, trus Sapari teko mbade'i Kartolo ambek Munawar goro-goro omongan "opo ko-nothok" Munawar ambek Kartolo kenek tothok.

side B, Kartolo, Munawar ambek Sapari nggudo anake Basman sing jenenge Tini, lha Basman iki nduwe warung, tapi Basman iki medit karo koncone dewe. Akhire wong telu iki ngakali Basman supoyo kapok.

Munawar ambek Sapari akhire budal disik nang warunge Basman, lha Kartolo nyusul nyamar dadi wong meduro sing brengose ketel, dadi Basman wedi. Kepingin weruh terusane crito? Ringekno dewe yo....

Download :

Bandul Gurem side A : HQ
Bandul Gurem side B : HQ

Basman Pendekar Remek

2009-11-22T19:52:00.000-08:00

Critane : Basman saiki dadi pendekar silat, isok pirang2 jurus. Pas nang ndalan Basman ketemu karo Bogel karo Sapari sing pingin blajar silat, tapi dasar Basman rodo "matre", Basman gelem ngajari silat wong loro maeng tapi kudu mbayar duwik .

Kartolo ambek Sokran yo pingin blajar silat nang Basman sampek marani nang omahe ditemoni Ning Tini bojone Basman. Tapi tetep ae Kartolo ambek Sokran yo dijaluki duwik pisan 80 ewu sa'ulan, mergo gak duwe duwik Kartolo ambek Sokran gak isok blajar silat nang Basman. Mergo wong loro gak gelem, Basman metu pamit nang bojone nggolek murid. Nang tengah dalan Basman ketemu karo Kawuk sing pingin blajar silat, akhire Kawuk gelem dadi muride Basman.
Mergo mangkel karo Basman, Kartolo ambek Sokran ngakali bojone (Ning Tini) nek Basman ambek Kawuk tukaran nang Wonoayu, mergo bingunge Ning Tini marani mrono. Yok opo teruse crito, Ringekno dewe yo... (Pemain : Cak Kartolo, Cak Sapari, Cak Sokran, Cak Bogel, Cak Basman, Ning Tini, Cak Kawuk)

Link Download :

Basman Pendekar Remek side A : HQ
Basman Pendekar Remek side B : HQ

Gajah Abuh

2009-11-18T21:11:00.000-08:00

Critane : Ning Maryam rondo sing awake gedhe (koyok gajah) sakjane seneng karo Kartolo, tapi Kartolo seneng ambek anake Maryam sing jenenge Tini, dadi Maryam gak isok lapo-lapo. Tapi Kartolo ngerjai Munawar sing seneng anake Maryam (Tini) mergo kepingin dipek bojo, Munawar dikongkon nyolong anake pas wayah bengi.
Pas bengi, Kartolo mertamu nang omahe Maryam ditemoni Tini karo mboke pisan (Maryam), ndadak nang mburi onok glodak-glodak diparani ambek Maryam, onok Munawar arep maling anake Maryam. Munawar mlayu keweden, yok opo crito seteruse, ringekno dewe yo ....

(Pemain : Cak Kartolo, Ning Tini, Cak Munawar, Ning Maryam (Karjo AC-DC), Cak Amin Tohari)

Link Download :

Gajah Abuh side A : HQ
Gajah Abuh side B : HQ

Kartolo Nyetrip

2009-11-15T20:52:00.000-08:00

Critane : Tini iku arep dirabekno karo bapake, tapi gak gelem, terus mlayu, nang dalan ditulung Kartolo. Kartolo seneng karo Tini, saking mendaleme pas dikandani adike (Susiati) nek Tini minggat Kartolo kaget trus semaput. Mari sadar Kartolo kadang kumat(gendeng/nyetrip) kadang gak, trus saking sumpeke Kartolo pamitan nggoleki Tini maeng.

Nang dalan Kartolo ketemu Sapari, terus mbadeki Sapari, sarung diarani Bajul putih, koloran katok diarani ususe Sultan Pajang, kupluk diarani kulite kebo lando, kaos kotang diarani klambi Onto Kusumo. Kartolo dijak Sapari nyambut gawe terus marfani majikane.
Seje crito, Tini kepetuk bapake (Bagong) maneh, terus Tini crito de'e pas minggat ditulung arek lanang, mari ngono bapake tini ngejak Tini nang omahe pamane.

Sapari ambek Kartolo marani jragane maneh (jragan Basman), nang kono Kartolo kadang kumat kadang gak, sampek Basman mangkel tapi yo ngguyu ndelok polahe Kartolo.
Mari ngono Basman ketamon adike bapake Tini (Bagong) ambek Tini pisan, ujug-ujug Kartolo metu, terus yok opo critane? Opo Kartolo isok waras?? (Pemain: Cak Kartolo, Cak Sapari, Cak Yayuk, Ning Susiati, Ning Kastini, Cak Basman, Cak Bagong)

Link Download :

Kartolo Nyetrip side A : LQ , HQ
Kartolo Nyetrip side B : LQ , HQ

Lutung Mlebu Sarung

2009-11-10T21:56:00.000-08:00

Critane : Kartolo ambek Slamet meguru nang pedepokan, mbah (gurune) nglarang Kartolo ambek Slamet mlebu senthong (kamar) tertentu, tapi Kartolo karo Slamet ndableg terus nekad mlebu senthong maeng. Mari mlebu senthong maeng, wujude Kartolo berubah dadi lutung, Slamet dadi wedus. Kartolo ambek Slamet getun, terus njaluk sepuro nang mbah guru, Kartolo ambek Slamet isok berubah wujude dadi asline (menungso) maneh syarate kudu nulung wong wedok sing ketemu nang dalan.
Nang tengah dalan Kartolo ambek Slamet ketemu karo wong wedok 2, Putri Kastini karo ibune sing loro, terus Kartolo nambani ibune Kastini terus waras.
Bareng ibune Kastini waras, Ratu Basman karo Patih Sapari ketemu terus ngejak mulih nang kraton, Lutung karo wedus maeng yo melok pisan.
Sakjane Prabu Basman iku kudu seneng karo anak tirine (Kastini), mergo wedhi karo Prabu Basman, Kastini dijogo karo lutung maeng. Yok opo critane teruse? Opo Kartolo ambek Slamet dadi wong maneh? Ringekno dewe yo...

Link Download :

Lutung Mlebu Sarung side A : LQ , HQ
Lutung Mlebu Sarung side B : LQ , HQ

Rabine Cacing Anil

2009-11-08T18:36:00.000-08:00

Critane : Mari "ngimpi" dadi Ratu Kerajaan Cacing Anil, Kartolo sing ngebet rabi, seneng karo anake Pak Yono sing jenenge podho karo putri nang ngimpi yoiku Susiati. Kartolo ngongkon bapake Munawar nglamar Susiati nang bapake. Mergo pingin ditrimo, wong loro maeng ngaku nek penggaweane enak (padahal mek "nyuluh kodok" alias nggolek kodok), Kartolo ngaku nang Pak Yono nek penggaweane "Dines Malam" alias polisi utowo detektif, lha bapake (Munawar) ngaku kerjo nang "Pengairan". Mergo penggaweane enak Pak Yono yo nrimo ae lamarane Kartolo maeng. Tapi ndilalah pas arepe kawinan, Kartolo mumet mergo gak duwe jas manten, akhire de'e nyeleh Basman sing dadi penatu/binatu, Kartolo janji nek cepet mbalekno jas maeng. Lha pas wayahe rame-rame undangan, Basman ujug-ujug marani Kartolo njupuk jas maeng, yok opo kisruhe mantene Kartolo? Ringekno dewe yo...

Link Download :

Rabine Cacing Anil side A : LQ , HQ
Rabine Cacing Anil side B : LQ , HQ

LQ = Low Quality
HQ = High Quality

Ratu Cacing Anil

2009-10-28T21:45:00.001-07:00

Critane : Critane Kartolo dadi Ratu kerajaan "Cacing Anil" sing dijuluki prabu Minohek, nduwe patih loro : patih Sapari karo patih Munawar, Prabu Minohek ambek patihe loro maeng ngadakno "turba", ndelok deso2 sa' kelilingi kerajaan. Nang dalan ketemu karo Putri Endang Susiati anake Rojo Tawang Gantung Kecik (Yono), trus Ratu cacing Anil kesengsem seneng karo sang putri maeng, sampek gandrung barang. Putri Endang Susiati wedhi trus mlayu melbu kraton, diuber karo Ratu cacing Anil karo patihe 2 maeng, sampek kedadeyan brontoyudho (perkelahian), Rojo Tawang Gantung Kecik karo putri mlayu njaluk tulung nang nggone pandito Bestmen (Basman). Yok opo teruse crito? ringekno dewe yo (Pemain : Cak Kartolo, Cak Sapari, Cak Munawar, Cak Basman, Neng Susiati, Cak Yono, Cak Sokran ambek Cak Amin Tohari)

Link Download:

Ratu Cacing Anil side A : LQ , HQ
Ratu Cacing Anil side B : LQ , HQ

Kartolo Makelar Losmen

2009-10-28T21:17:00.001-07:00

Critane : Cak Kartolo saiki dadi makelar Losmen, pas nang ndalan ketemu karo neng Meti (senenge dagang), lha ujuk2 ketemu karo Cak basman sing seneng bisnis pisan. Lha akhire ngatur pertemuane wong loro maeng nang penginepane Sokran, wong loro setuju. Mari oleh order maeng, Kartolo marani Ning Tini (bojone Basman) sing seneng jual-beli karo dagang, Kartolo ngomong nek penginepane Cak Sokran didol, dasar Ning Tini seneng bisnis, Ning Tini tertarik. Ambek Kartolo kongkon mrono ae langsung. Lha pas wayahe nang penginepane Sokran, ning Tini langsung ndelok-ndelok nang mburi, tibakno pas nang salah sewijine kamar, onok Cak Basman karo ning Meti omong2an, trus yok opo critane?? Opa ning Tini ngamuk?? Ringekno dewe yo...
(Pemain : Cak Kartolo, Cak Basman, Cak Sokran, Cak Sapari, Ning Tini, Ning Meti ambek Cak Roy Markun)

Download :

Kartolo Makelar Losmen side A : LQ ,HQ
Kartolo Makelar Losmen side B : LQ ,HQ

Sepor India

2009-05-03T23:10:00.000-07:00

Critane : Blontang ngesir mbarek anake Basman sing jenenge Tini, akhire ngongkon Kartolo nglamar. Sa' durunge Kartolo nglamar didisiki Sapari nglamar disik, tapi mbarek Basman gak ditrimo mergo Spari penggaweane cuman ngedok lemah. Mari Sapari mulih, Kartolo nglamarno Blontang, tapi Kartolo ngomong ngene " Cak, aku nglamar, lha iki fotone juraganku" (mbarek nduduhno fotone juragane Kartolo), berhubung fotone ganteng, mbarek Basman ditrimo ae, Tini yo gelem mergo ndelok fotone. Lha yok opo kisruhe pas mantene Blontang, ringekno dewe yo :)

Link Download :

Sepor India side A : low quality , high quality
Sepor India side B : low quality , high quality

Dadung Kepuntir

2009-05-03T22:51:00.000-07:00

Critane : Munawar nduwe bojo Ning Susiati, lha Basman nduwe bojo ning Tini. ketepakan rong keluarga iki koq podho gegeran. Munawar gegeran karo bojone ning Susiati, lha Basam yo sering gegeran mbarek bojone Nong Tini. Akhire rong keluarga iki pisah-pisahan, Basman pisah mbarek Ning Tini, Munawar yo pisah mbarek bojone. Pas nang ndalan Munawar ketemu mbarek Kartolo karo Markeso, akhire Munawar ketemu Ning Tini (bojone Basman) lha Basman ketemu bojone Munawar (Ning Susiati). Yok opo teruse critane? Ringekno dewe yo :) .

Link Download :

Dadung Kepuntir side A : low quality , high quality
Dadung Kepuntir side B : low quality , high quality

Soto Gagak

2009-04-29T19:41:00.000-07:00

Critane : Munawar iki bojone Ning Tini, wonge gak nduwe alias pas-pasan. Lha pas butuh duwek nggawe sa' bendinane gak ono, akhire kepeksan ngedol wedus siji (weduse onok loro) sing jenenge bejo, weduse iki sek cempe. Bareng teko dalan, wedus maeng semper, gak kuat mlaku, Munawar ketemu karo Kartolo mbarek Markeso, akhire Kartolo mbujuki Munawar, wedus maeng ditukar mbarek pitik babon, Munawar gelem. Pas gak suwi nek mlaku, Munawar ketemu Sapari, mbarek Sapari, pitik babon maeng diijoli kucing, Munawar yo gelem ae. Lha pas nang pasar Munawar bingung ketemu karo Basman sing dodolan Soto Gagak. Mbarek Basman malah diajak totohan, nek bojone Munawar bakal muring-muring mergo Munawar kebujuk maeng, totohane duwek 50 ewu. Yok opo terusan critane, Opo bojone Munawar muring-muring? Ringekno dewe yo :).

Link Download :

Soto Gagak side A : low quality , high quality
Soto Gagak side B : low quality , high quality

Dukun Ulo Enthong

2009-04-29T19:34:00.000-07:00

Critane : Basman nduwe gendakan(pacar) jenenge Tini, sakjane Tini iki gak gelem karo Basman, tapi Basman wis entek-entekan bondho, opo ae dikekno nang Tini maeng, sampek-sampek Basman gak duwe duwek. lah pas ketemu koncone Sokran mbarek Sidik, Basman sambat, akhire wong loro maeng nduwe ide kanggo nggolek duwek ben cepet, Basman dikongkon dadi dukun, dukune arane "Nyai Losi". Supoyo ndang cepet oleh duwek langsung praktek wong loro maeng (sidik mbarek Sokran) dadi cantrike lha dukune "Nyai Losi" ndelik nang grumbul. Ndilalah pasien pertama koq gendakane Basman yoiku Tini mbarek pacare Kartolo. Yok opo polahe Basman bareng sing dadi pasien iku Tini mbarek gendakane Kartolo? ringekno dewe yo :) .

Link Download :

Dukun Ulo Enthong side A : low quality , high quality
Dukun Ulo Enthong side B : low quality , high quality

Mantu Ulo Sowo

2009-04-22T19:39:00.000-07:00

Critane : Kartolo dadi mantune Basman, bojone jenenge Ning Tini. Tapi Kartolo iki kebacut metel(males) nyambut gawe, sampek Basman muring-muring ambek Kartolo. Pas onok Sidik nang omahe Basman, de'e ndelok fotone Tini, dikiro sek bujang de'e langsung nglamar, mbarek basman ditrimo ae, tapi de'e bingung yok opo carane nyingkirno Kartolo. Akhire Basman ngongkon Sapari dikongkon mateni Kartolo, ambek Sapari diakali nggowo klambine Kartolo ambek ngomong Kartolo wis dipateni buktine klambine Kartolo maeng, Tini sing ngerti koyok ngono maeng langsung gendeng, bapake (Basman) bingung, akhire nggolek dukun. Yok Opo crito teruse, opo Kartolo bener mati, yok opo nasibe Tini? Ringekno dewe yo :)

Link Download :

Mantu Ulo Sowo side A : low quality , high quality
Mantu Ulo Sowo side B : low quality , high quality

Jrangkong Krinan

2009-04-21T22:38:00.000-07:00

Critane : Blontang, Kartolo mbarek sapari koncoan, runtang-runtung wong telu. Akhire pas onok warunge Cak Sokran wong telu maeng mampir, terus mangan sa'warege. Bareng pas mari mangan wong telu maeng gak duwe duwek blas, terus semoyo nek arep nyaur utange maeng. Cak Sokran gelem, tapi kudu onok jaminane. akhire Blontang sing dadi jaminan, kudu mbantu Cak Sokran nang warung maeng. Pas Cak sokran lempeh (lengah), Blontang mlayu, saking wedihe Blontang ndelik nang kuburan. Yok opo terusan critane, ringekno dewe yo :)

Link Download :

Jrangkong Krinan side A : low quality , high quality
Jrangkong Krinan side B : low quality , high quality

Bolah Ruwet

2009-04-21T22:30:00.000-07:00

Critane : Critane Onok wong wedok jenenge Ginah (Ning Susiati) kelangan anak sing jenenge Ginten (Tini), terus ketemu mbarek Kartolo lan konco-koncone. Kartolo akhire seneng mbarek Ginah maeng (sing umure pantes dadi ibuke), ambek Kartolo diajak mulih ketemu mbarek Bapak'e (Basman). Lha Basman yo kedayoan Ginten (Tini) sing sa'durunge ketemu Bagong (buruhe Basman) terus akhire Tini seneng mbarek Basman lan gelem diajak kawin. Pas Kartolo mulih, anak mbarek mboke ketemu (ginah ketemu Ginten). Yok opo crito teruse, ringekno dewe yo:)

Link Download :

Bolah Ruwet side A : low quality , high quality
Bolah Ruwet side B : low quality , high quality

Genthong Mengkureb

2009-04-21T22:24:00.000-07:00

Critane : Ning Tini dadi rondo, nduwe gendakan jenenge Kartolo. Lha pas nang ndeso iku onok Pak Bayan (Munawar) yo seneng mbarek Ning Tini maeng. Lha pas Kartolo janjian arep ketemu mbarek Ning Tini, Pak Bayan ndingkik. Lha pas wayahe janjian, Pak Bayan teko ndisiki, dadi nang omah cuman wong loro, Pak Bayan karo Ning Tini. Pas onok grebekan wong-wong sing jogo mbarek Pak Polo, Pak Bayan bingung akhire ndelik nang genthong (genthonge dikurebno). Yok opo crito teruse, ringekno dewe yo :)

Link Download :

Genthong Mengkureb side A : low quality , high quality
Genthong Mengkureb side B : low quality , high quality

Sopir Lori

2009-04-21T22:18:00.000-07:00

Critane : Kartolo nduwe gendakan (pacar) sing jenenge Ning Jasmani, Kartolo wis sepakat arep nglamar ning Jasmani. Ndilalah onok sing nglamar disik, mbarek bapake Ning Jasmani (Kancil) ditrimo ae, jenenge sing nglamar koq podho karo jenenge bapake yoiku Sokran, penggaweane yo podho yoiku Sopir. Atine Kartolo langsung mbedodok de'e ngamuk nang Bapake, akhire Bapake Kartolo (Sokran) mbarek Kartolo nggenahno masalahe nang bapake Jasmani. Yok opo terusan critane, ringekno dewe yo :)

Link Download :

Sopir Lori side A : low quality , high quality
Sopir Lori side B : low quality , high quality

Manten Puret

2009-04-20T04:29:00.000-07:00

Critane : Kartolo nduwe pacar sing jenenge Ning Tini, tapi ndilalah bapake (Munawar) ndisiki nglamar pacare maeng, opo gak mbedodok atine Kartolo. Akhire Kartolo nggawe akal ben Bapake gak sido dadi manten karo pacare maeng, de'e nggawe surat nek kemanten lanang kecelakaan sampek matek. Akhire sing ngganteni manten lanang maeng yo Kartolo. Yok opo akhire crito, yok opo nasibe Munawar? ringekno dewe yo :)

Link Download :

Manten Puret side A : low quality , high quality
Manten Puret side B : low quality , high quality

Endoge Welut

2009-04-20T04:23:00.000-07:00

Critane : Kartolo ambek bojone Ning Tini saiki dadi tukang mbujuk, senengane mbujuki kanca-kancane, embuh alasane utang, embuh dodolan tapi gak onok barange :). Cak Munawar sing dadi tukang rombeng kenek bujuk, Sapari kenek bujuk jas, Cak Sokran sing nduwe pracangan beras lan sapunonggale kenek bujuk mbarek Ning Tini. Lha sing paling akeh kebujuk yo Basman sing nduwe depot. Yok opo terusane critane, opo wong papat iki nglabrak nang omahe Kartolo sing mbujuki? Ringekno dewe yo :)

Link Download :

Endoge Welut side A : low quality , high quality
Endoge Welut side B : low quality , high quality

Srabi Kecemplung Kalen

2009-04-14T06:05:00.000-07:00

Critane : Kartolo nyambut gawe nang kutho, ambek juragan wedok de'e disenengi, lha pas mulih nang ndeso de'e bingung nggolek biaya kanggo rabi karo pacare sing jenenge Tini. Terus Kartolo nduwe rencana nggolek duwek gawe ongkos rabi ngajak Tini bareng nyambut gawe nang kutho. Pas Nang kutho ndilalah juragan lanang (Basman) seneng ambek Tini, Tini dike'i duwek; juragan wedok seneng ambek Kartolo, Kartolo yo dike'i duwek pisan. Yok opo terusane critane, ringekno dewe yo :).

Link Download :

Srabi Kecemplung Kalen side A : low quality , high quality
Srabi Kecemplung Kalen side B : low quality , high quality

Kriwikan Grojokan

2009-04-14T05:52:00.000-07:00

Critane : Kartolo mulih nang ndeso perlune kate njaluk warisan mergo utange akeh. Lha Pamane Kartolo sing jenenge Basman eling pesene bapake Kartolo, nek Kartolo oleh njupuk warisane nek Kartolo wis rabi. Mergo Kartolo durung nduwe gendakan (pacar), kartolo njaluk tulung pamane yok opo ndang cepet rabi, Basman nduwe ide Kartolo diolehno gendakane Munawar (anake Basman) sing jenenge Tini, tapi onok syarat-syarat tertentu. Yok opo kelanjutane critane? ringekno dewe yo :)

Link Download :

Kriwikan Grojokan Side A : low quality , high quality
Kriwikan Grojokan Side B : low quality , high quality

Tenguk-Tenguk nemu Gethuk

2009-04-13T00:05:00.000-07:00

Critane : Pak Sontolowo bojone Bu Anik nduwe anak lanang loro Sapari ambek Kartolo, Sapari iki arek enom sing mbeling, senenge ugal-ugalan, jarang mulih, Kanggo ngatasi "mbelingi" Sapari, wong tuwone rencana ngrabekno Sapari maeng, akhire Sapari gelem. terus Pak Sontolowo nglamar anake Pak Basman (jenenge Tini). Lha pas gawene, ternyata Sapari gak gelem, malah ngenyek manten wedok. Pak Sontolowo jelase yo wirang, kanggo nutupi wirang,e Kartolo nutupi cacake, ngrabi Tini. Yok opo terusane, rungokno dewe, yo ! (Pemain: Ning Anik, Pak Sontolowo, Cak Kartolo, Cak Sapari, Cak Sokran, Cak Basman, Ning Tini)

Link Download :

Tenguk-Tenguk Nemu Gethuk Side A : low quality , high quality
Tenguk-Tenguk Nemu Gethuk Side B : low quality , high quality

Blontang Pemborong Bonafid

2009-04-12T23:57:00.000-07:00

Critane : Cak Blontang dadi pemborong, duduk sembarang pemborong de'e dadi pemborong nggawe sumur bor, wis terkenal hasile. Lha, Ning Lasiana, bojone Cak Blontang manfatno profesine bojone kanggo nyeleh duwit nang Basman, tapi neng Lasiana ngaku bojone kerjo nang Pengeboran minyak luar pulau, dadi Basman percoyo ae, nyilihi duwik 500 ewu, bareng jatuh tempo Ning Lasiana gak mbalekno duwike, Basman bingung, terus nggoleki neng Lasiana. Yok opo crito teruse, ringekno dewe yo ! (Pemain: Cak Kartolo, Cak Sapari, Cak Blontang, Cak Basman, Ning Kastini ambek Ning Lasiana)

Link Download :

Blontang Pemborong Bonafid side A : low quality , high quality
Blontang Pemborong Bonafid side B : low quality , high quality

Loro Pangkon

2009-04-09T00:46:00.000-07:00

Critane : Munawar arep rabi oleh anake Pak Basman jenenge Kastini (tapi Kastini gak seneng ambek sek dibawah umur). Munawar njaluk tulung Kartolo karo Sapari ngramek-ngramekno gawene/kemantenane njaluk wong loro maeng (Kartolo ambek Sapari) ngadakno Loro Pangkon (serah trima pihak manten lanang lan pihak manten wedok nganggo acara rebutan jago). Ndilalah pas acara rame (takon2an ambek gelut barang) Kastini (manten wedok) minggat, Munawar karo Pak Basman bingung nggoleki. Yok opo terusane, rungokno dewe yo, mosok koyok arek bayek ae dicritani terus :).

Link Download :

Loro Pangkon side A : low quality , high quality
Loro Pangkon side B : low quality , high quality

Juragan Roti Sepet

2009-04-09T00:22:00.000-07:00

Critane : Basman dadi juragan nduwe pabrik Roti, Kartolo dadi anake Basman. Pas onok arek wedok(Ning Tini) nglamar kerjo nang Basman ditrimo karo Basman. E, njeketek (opo iku njeketek??) utowo ndilalah pas Tini metu kulakan tepung nang ndalan nemu bayek (bayi) digowo nang Basman. Basman muring-muring nuduh nek Kartolo karo Tini wis berbaut (eh, berbuat) macem-macem, akhire Tini diusir. Yok opo crito sa'wise, sampean ringekno dewe yo, pegel aku ngetik iki :)

Link Download :

Juragan Roti Sepet side A : low quality , high quality
Juragan Roti Sepet side B : low quality , high quality

Bayi Mata Kranjang

2009-04-09T00:02:00.001-07:00

Critane : Kartolo bojone Tini, dadi mantune Sapari tapi dadi mantu sing males ambek mblebes karo morotuane (Sapari). Kartolo yo wani karo morotuane, akhire morotuane mangkel. Kartolo purik, minggat marani gendakane lawas sing jenenge Maryam (Karjo AC-DC), tapi mergo Maryam wis nduwe bojo Sokran, akhire Kartolo nyamar dadi bayi. Pingin ngerti terusane crito iki, ringekno dewe yo, nek gak puas yo sampeyan download , Gitu aja koq repot (niru Gus Dur) :)

Link Download :

Bayi Mata Kranjang side A : low quality , high quality
Bayi Mata Kranjang side B : low quality , high quality

Welut Ndas Ireng

2009-04-08T02:15:00.000-07:00

Critane : Yakin nduwe utang karo Kartolo, Munawar ambek Sapari sing jumlahe gak podho. Akhire wong telu iki nagih nang omahe Yakin, tapi dasare Yakine mbulet onok ae alasane supoyo de'e gak ditagih koncone maeng. Wong telu maeng teko nang omahe Yakin tapi gak bareng, ijen-ijen, lah Yakine mergo supoyo gak ditagih nggawe alasan semoyo-lah, loro adem panas, gendeng sampek Munawar wedhi. Yok opo jelase critane? Sampeyan ngringekno dewe yo :)

Link Download :

Welut Ndas Ireng side A : low quality, high quality
Welut Ndas Ireng side B : low quality, high quality

Tumpeng Maut

2009-04-07T19:24:00.001-07:00

Critane : Munawar kelangan sewek, tibakno sing nyolong koncone dewe Sapari, Munawar mangkel terus nglaporno Sapari nang Lurah Basman. Nah Sapari gak kurang akal, sewek'e didol, duwite digawe slametan, nah mudine (sing dungani) iku Kartolo, yok opo kedadean selanjute, Monggo diringekno mawon, nek pingin download, yo sampeyan download.

(Pemain : Cak Kartolo, Cak Sapari, Cak Munawar, Cak Basman, Ning Tini)

Link Download :

Tumpeng Maut side A : low quality, high quality, HQ 4shared
Tumpeng Maut side B : low quality, high quality, HQ 4shared

Dalang Gersang

2009-04-07T05:56:00.000-07:00

Critane : Kartolo sing dadi dalang ngajak ewang Sapari karo Munawar, tapi wong loro iki (Munawar ambek Sapari) males gak gelem nggowo kotake wayang, akhire Kartolo sing nggowo kotake wayang. Munawar ambek Sapari teko disik nang wong sing nduwe gawe, ngentekno panganane ("papakan"), Kartolo teko keri gak uman opo-opo, barang mulai main tibakno sing digowo dudu' kotak wayang, Kartolo nggowo kotak tukang (alat2 pertukangan), akhire diganti wayang uwong. Yok opo kelanjutan critane, sampeyan rungokno dewe ae, ndang didownload selak ketemon ambek Cak Kartolo :).

Link Download :

Dalang Gersang side A : low quality, high quality
Dalang Gersang side B : low quality, high quality

Jas Ontang-Anting

2009-04-06T23:43:00.001-07:00

Critane : Cak Slamet nduwe jas cuma siji ndil (alias ontang-anting) tekan ndalan disilih karo Cak Kartolo sing terkenal mbulet, mergo gak tego Cak Slamet akhire ngekekno, tapi Kartolo ngomong njupuke jas iki nang omahe Basman, akhire Slamet setuju. Tibakno akal-akalane Kartolo ae ben Slamet njupuk jase nang omahe Basman, soale Basman arep dibujuki Kartolo nganggo alat jas-e Slamet maeng. Yok opo critane teruse? Basman opo kebujuk? duwike sing digowo mbalik opo gak? Ayo ndang dirungokno, nek pingin download yo downloaden. (Pemain : Cak Kartolo, Cak Slamet, Cak Basman, Ning Tini, Cak Sokran ambek Cak Sapari)

Link Download :

Jas Ontang-Anting side A : low quality, high quality
Jas Ontang-Anting side B : low quality, high quality

Kuro Kandas

2009-04-06T21:41:00.000-07:00

Critane : Kartolo nggudo anake Pak Tohari sing jenenge Ning Tini, pas nggudo ketepakan Kartolo nggawe blangkon (sing rupane koyo kuro mengkurep, opo tumon kuro mlumah?). Saking kenemenen nek nggudo, neng Tini mangkel, terus ngandakno kelakuane Kartolo karo bapake (Tohari), gak mikir dowo Pak Tohari ngamuk pokok wong sing nggawe blangkon diantemi, pingin weruh kelanjutan critane, ndang rungokno, nek pingin download yo downloaden ! (Pemain : Cak Kartolo, cak Tohari, Cak Sapari, Cak Munawar karo Ning Tini)

Link Download :

Kuro Kandas side A : low quality, high quality
Kuro Kandas side B : low quality, high quality

Kartolo iku sopo?

2009-03-29T20:17:00.000-07:00

Kartolo iku dagelan Ludruk Sawunggaling, de'e ambek Cak Sapari, Cak Sokran, Cak Munawar, Cak Tohari, Cak Blontang lan Ning Tini nduwe grup jenenge "Kartolo Cs".
Aku sek eling pas aku sek SD th 80-an, pakdheku nduwe kasete dagelan Kartolo Cs, terus pas SMP, mbahku seneng ngrungokno dagelan Ludruk Kartolo Cs liwat radio "Merkuri" nang Suroboyo wektune jam 11 bengi, tapi aku melok ngrungokno, soale lucu puol, sementara tivi sing onok cuman TVRI, dadi radio sing dadi andalan hiburan, opo maneh pas jam 11 bengi nyetel channel radio "Merkuri" ngrungokno dagelane Cak Kartolo Cs.
Nah mergo iku aku nglumpukno koleksi mp3 Cak Kartolo kanggo tombo kangen terutama kanggo dulur-dulur sing adoh omah koyo nang luar negri. Sa'liyane isok di-download, yo isok diringekno (niru Basman) langsung tinggal klik tanda panah (play) wis muni.
Sing gelem download, aku nyediakno rong versi, versi pertama "low quality" ukuran file cilik kiro 3 sampek 4 MB, mono; versi kedua "high quality" ukuran file gedhe 25 sampek 30 MB, stereo.
Carana Download:
1. "low quality" via server Ziddu, carane klik link "low quality" terus muncul site anyar klik download, terus isien kotak kosong koro ongko utowo nomer sbelah kanan kotak terus klik download, muncul window anyar klik "save file"
2. "high quality" via server kewlshare , carane klik link "high quality" terus muncul site anyar, miliho "Free User" terus muncul site anyar klik kotak abang "Proceed to download" terus metu panah ijo, klik ae tulisan "Download Now" terus muncul kotak pilihen "save file"

Nah nek pingin cepet anggone download, join nang Ziddu utowo kewlshare, keuntungane sampeyan isok upload file gak terbatas, nek file sampeyan didownload uwong sampeyan oleh komisi, enak khan? Nek pingin join klik banner nang ngisor iki :

- Nek join Ziddu klik banner

- Nek join kewlshare klik banner

Nek wis mari download, ojok lali nyuport aku, carane klik iklan sing nang ngsior utowo nang samping, supoyo aku isok terus ngupdate blog iki, Matur suwun.